Официальный герб поселка городского типа Лиозно (Лёзна)

 
Сайт создан по материалам книги "Память. Историко-документальная хроника Лиозненского района"
| Республика Беларусь | Витебская область | ЛИОЗНО | добавить в избранное |  |
   

Героі працы

Героі працы А. Г. Антонаў А. Г. Антонаў Героі працы I. А. Глядчанка I. А. Глядчанка
Героі працы М. Я. Ігнатава М. Я. Ігнатава Героі працы Р. У. Кубліцкая Р. У. Кубліцкая
Героі працы I. С. Самуйлаў I. С. Самуйлаў Героі працы М. I. Шалупкіна М. I. Шалупкіна
Героі працы У. У. Гурскі У. У. Гурскі Героі працы В. К. Данькова В. К. Данькова
Героі працы В. С. Загурская В. С. Загурская Героі працы А. Ц. Іванова А. Ц. Іванова
Героі працы М. П. Кулагіна М. П. Кулагіна Героі працы С. Ф. Сірын С. Ф. Сірын

Заслужаныя настаўнікі БССР

АГІНСКАЯ Аляксандра Сяргееўна. Нарадзілася ў 1914 ў в. Вялікія Міснікі Лёзненскага р-на. У апошні час працавала выхавацелем школьнага інтэрната Крынкаўскай сярэдняй школы. Званне прісвоена ў 1968 г.

АГНІШЧАНКА Надзея Андрэеўна. Нарадзілася ў 1918 г. ў в. Зубкі Лёзненскага р-на. Працавала выкладчыкам рускай мовы і літаратуры старшых класаў Лёзненскай сярэдняй школы № 1. Званне прысвоена ў 1970 г.

БАЛІНА Валянціна Мікітаўна. Нарадзілася ў 1921 г. ў в. Міхалінава Лёзненскага р-на. Член КПСС. Працавала настаўніцай пачатковых класаў Лёзненскай сярэдняй школы № 2. Званне присвоена ў 1965 г. Працавала выхавацелем дзіцячага сада № 2 у г. п. Лёзна.

ДАБРАЖЫНЕЦКАЯ Юзэфа Эдуардауна. Нарадзілася ў 1914 г. ў в. Амелькаўшчына Хойніцкага р-на Гомельскай вобл. Член КПСС. Працавала настаўніцай пачатковых класаў Лёзненскай сярэдняй школы № 2. Званне прысвоена ў 1957 г., да 1980 г. працавала адказным сакратаром на справах непаўналетніх пры Лёзненскім райвыканкоме, сакратар Лёзненскага раённага Савета ветэранаў вайны і працы.

ЖДАНОВІЧ Людміла Іванаўна. Нарадзілася ў 1929 г. ў в. Дубішча Бешанковіцкага р-на Віцебскай вобл. Працавала выкладчыкам фізікі ў Лёзненскай сярэдняй школе. Званне прысвоена у 1976 г.

КОНАХ Галіна Іванаўна. Нарадзілася ў 1918 г. ў в. Угрынкі Ушацкага р-на Віцебскай вобл. Член КПСС. Працавала настаўніцай пачатковых класаў Лёзненскай сярэдняй школы № 1. Званне прысвоена ў 1969 г.

ПРАТАСЕВІЧ Іван Фёдаравіч. Нарадзіўся ў 1909 г. на Случчыне. Член КПСС. Удзельнік Вялікай Айчыннай вайны. Працаваў дырэктарам Лёзненскай сярэдний школы № 2. Званне прысвоена ў 1964 г. Узнагароджаны ордэнам Чырвонай Зоркі, медалямі.

ЦІТОВА Марыя Маркаўна. Нарадзілася ў в. Шумшчына Лёзненскага р-на. Працавала настаўніцай рускай мовы і літаратуры ў Лёзненскай сярэдняй школе № 1. Званне прысвоена ў 1967 г.

ШЛАПАКОВА Софія Іванаўна. Нарадзілася ў 1920 г. ў в. Чыкаўшчына Лёзненскага р-на. Працавала настаўніцай у Лёзненскай сярэдний школе № 2. Званне прысвоена ў 1971 г.

ШМУЛЯЎЦОЎ Іван. Анісімавіч. Нарадзіўся ў 1891 г. Удзельнік грамадзянскай і Вялікай Айчыннай войнаў. У 1945-56 гг. працаваў дырэктарам Пагосцішчанскай сямігадовай школы Лёзненскага р-на. Званне прысвоена ў 1949 г. Памёр I. А. Шмуляўцоў у 1988 г.

!!!  ВНИМАНИЕ  !!!

 

Уважаемые предприниматели!
Размещение информации о Вашем бизнесе на сайте свидетельствует о серьезном подходе к делу, привлекает потенциальных покупателей, партнеров и инвесторов.

Обращайтесь:
E-мail: liozno@tut.by
тел: +375 33 6140240

Добро пожаловать!

 

Героі працы

 

     Узнагароджаны ордэнам Леніна

     Заслужаныя настаўнікі БССР

     Заслужены заатэхнік БССР

     Заслужаныя работнікі сельскай гаспадаркі БССР

     Заслужаныя ўрачы БССР

 


АНТОНАЎ Аляксей Гаўрылавіч. Нарадзіўся ў 1922 г. ў в. Вымна Віцебскага р-на. Член КПСС з 1962 г. Удзельнік Вялікай Айчыннай вайны. Скончыў Мінскі медыцынскі інстытут (1948). 3 1948 за-гадчык Высачанскага ўрачэбнага участка, з 1958 г. галоўны ўрач Высачанскай участковай бальніцы Лёзненскага р-на. У 1968 г. прысвоена звание «Заслужаны ўрач БССР». Званне Героя Сацыялістычнай Працы прысвоена ў 1978 г. за заслугі ў развіцці аховы здароўя. Дэпутат Вярхоўнага Савета БССР у 1980-85 гг. Узнагароджаны двума ордэнамі Леніна, ордэнам Айчыннай вайны II ступені, медалямі. Жыў ў в. Высачаны. Памёр 31.5. 1990 г.

БАРАШКІН Дзмітрый Іванавіч, нарадзіўся ў 1922 г. ў в. Шавялі Лёзненскага р-на. 3 сялян. Член КПСС з 1948 г. Удзельнік партызанскага руху на Беларусі ў Вялікую Айчынную вайну. Працоўную дзейнасць пачаў з 1940 г. ў Віцебску рабочым трэста Белпрамбуд. 3 1944 г. рабочы на будаўніцтве Мінскага аўтазавода. 3 1945 г. падручны сталявара, у 1947-72 гг. сталявар Мінскага аўтазавода. У 1972-79 гг. рабочы на Мінскім аўтазаводзе, з 1979 г. слесар-сантэхнік жыллёва-камунальнага аддзела Мінскага аўтазавода. Званне Героя Сацыялістычнай Працы прысвоена ў 1966 г. за паспяховае выкананне планаў і дасягненне высокіх вытворчых паказчыкаў. Дэпутат Вярхоўнага Савета БССР у 1955-67 гг. Ганаровы грамадзянін Мінска (1968). Узнагароджаны ордэнамі Леніна, Чырвонай Зоркі, медалямі.

ГАРАЧКА Зінаіда Дзмітрыеўна. Нарадзілася ў 1931 г. ў в. Высачаны Лёзненскага р-на. Член КПСС з 1965 г. Скончыла Мінскі тэхнікум лёгкай прамысловасці (1965). 3 1948 г. швачка-загатоўшчыца, з 1952 г. майстар швейнага участка Мінскай абутковай фабрыкі імя Калініна (з 1963 г. галаўное прадпрыемства абутковага аб'яднання «Прамень»). У 1981-86 гг. працавала майстрам вучылішча № 43 г. Мінска, у музеі вучэбнага камбіната гэтага вучылішча. 3 1986 г. на пенсіі. Званне Героя Сацыялістычнай Працы прысвоена ў 1966 г. за поспехі ў выкананні планавых заданняў і дасягненне высокіх паказчыкаў па вытворчасці абутку. Узнагароджана ордэнам Леніна, медалём.

ГЛЯДЧАНКА Іван Арцёмавіч. Нарадзіўся ў 1918 г. ў в. Матушова Лёзненскага р-на. Член КПСС з 1952 г. Удзельнік Вялікай Айчыннай вайны. 3 1936 г. ў калгасе «Інтэрнацыянал», у 1950-59 гг. у калгасе «Пражэктар», з 1959 г. ў калгасе імя Леніна Лёзненскага р-на. 3 1945 г. брыгадзір паляводчай брыгады, з 1977 г. слесар малочнатаварнай фермы. Званне Героя Сацыялістычнай Працы прысвоена ў 1949 г. за высокія паказчыкі ў вытворчасці льнопрадукцыі, збожжа і бульбы. Узнагароджаны ордэнамі Леніна, «Знак Пашаны», медалямі. Памёр I. А. Глядчанка ў 1986 г.

ІГНАТАВА Марыя Якаўлеўна. Нарадзілася ў 1930 г. ў в. Палавінкі Лёзненскага р-на. 3 сялян. Член КПСС з 1960 г. 3 1945 г. калгасніца калгаса імя Сталіна, з 1956 г. ў саўгасе «Крынкі» Лёзненскага р-на. У 1957-68 гг. жывёлавод племзавода «Крынкі», у 1968-87 гг. у Крынкаўскім аддзяленні сувязі. Званне Героя Сацыялістычнай Працы прысвоена ў 1960 г. за самаадданую працу і высокія паказчыкі ў вытворчасці свініны. Дэпутат Вярхоўнага Савета БССР у 1959-63 гг. Узнагароджана ордэнам Леніна. 3 1987 г. на пенсіі.

ІЛЬІН Мікалай Карпавіч. Нарадзіўся ў 1931 г. ў в. Альхавік Лёзненскага р-на. 3 сялян. Член КПСС з 1961. 3 1956 г. ваграншчык цэха мінеральнай ваты на Мінскім камбінаце будаўнічых матэрыялаў (з 1974 г. вытворчае аб'яднанне Мінскбудматэрыялы). Званне Героя Сацыялістычнай Працы прысвоена ў 1974 г. Узнагароджаны двума ордэнамі Леніна (першым у 1966).

КУБЛІЦКАЯ Раіса Уладзіміраўна. Нарадзілася ў 1928 г. ў в. Калышкі Лёзненскага р-на. Скончыла 8 класаў Калышкаўскай СІП. Удзельніца Вялікай Айчыннай вайны. У 1943 г. добраахвотна пайшла працаваць у ваенны шпіталь. У 1948-55 гг. працавала паляводам, у 1955-60 гг. рахункаводам-касірам, у 1960-83 гг. звеннявой па вырошчванні лёну ў калгасе імя Калініна Лёзненскага р-на. У 1975 г. Р. У. Кубліцкая дасягнула высокіх паказчыкаў у вытворчасці льно-прадукцыі: з плошчы 41 га атрымала льнасемя 6 ц, ільновалакна 8,7 ц; чысты даход склаў 2020 руб. з гектара. Званне Героя Сацыялістычнай Працы прысвоена ў 1976 г. Дэпутат Вярхоўнага Савета БССР у 1967-71 гг. Узнагароджана двума ордэнамі Леніна (першым у 1966 г.), медалямі «За ўзяцце Кёнігсберга» і «За перамогу над Германіяй». 3 1983 г. на пенсіі.

САМУЙЛАЎ Іван Савельевіч. Нарадзіўся ў 1924 г. ў в. Засігава Лёзненскага р-на. 3 сялян. Член КПСС з 1946 г. Удзельнік Вялікай Айчыннай вайны. 3 1948 г. палявод, з 1951 г. брыгадзір паляводчай комплекснай брыгады калгаса «Новае жыццё» Лёзненскага р-на.
Званне Героя Сацыялістычнай Працы прысвоена ў 1973 г. за поспехі ў павелічэнні вытворчасці і продажу дзяржаве прадуктаў земляробства. Дэпутат Вярхоўнага Савета БССР у 1975-80 гг. Узнагароджаны ордэнамі Леніна, Чырвонай Зоркі, медалямі.

ШАЛУПКІНА Марына Іванаўна. Нарадзілася ў 1913 г. ў в. Бржазова Лёзненскага р-на. 3 сялян. Член КПСС з 1947 г. 3 1943 г. палявод, жывёлавод, звеннявая па вырошчванні лёну, у 1958-70 гг. брыгадзір комплекснай брыгады калгаса «Новае жыццё» Лёзненскага р-на. Званне Героя Сацыялістычнай Працы прысвоена ў 1966 г. за поспехі ў павелічэнні вытворчасці льнопрадукцыі. У 1965 г. брыгада сабрала самы высокі ўраджай лёну-даўгунцу. За рэалізаваны лён калгас атрымаў каля 100 тыс. рублёў прыбытку. Узнагароджана ордэнам Леніна, медалямі.

ЭЗЕРЫН Марыя Андрэеўна. Нарадзілася ў 1911 г. ў в. Матушова Лёзненскага р-на. Латышка. 3 рабочых. Член КПСС з 1952 г. У 1930-66 гг. у калгасе «1 Мая» Лёзненскага р-на (да 1959 г. калгас «Інтэрнацыянал»): палявод, брыгадзір, з 1959 г. звеннявая льнаводчага звяна. Званне Героя Сацыялістычнай Працы прысвоена ў 1949 г. за атрыманне высокіх ураджаяў лёну. Узнагароджана ордэнам Леніна, медалямі. Памерла 5.10. 1976 г.


Узнагароджаны ордэнам Леніна

БАРАДУЛЬКІН Іван Максімавіч. Нарадзіўся ў 1920 г. ў в. Буі Лёзненскага р-на. Скончыў Лёзненскую сярэднюю школу (1940), педінстытут у Віцебску (1951). Удзельнік Вялікай Айчыннай вайны. У 1946-80 гг. працаваў завучам у Дабрамыслянскай школе, інспектарам школ Лёзненскага р-на, настаўнікам матэматыкі Лёзненскай СШ № 1, адначасова на працягу 9 гадоў (да 1980 г.) выконваў абавязкі старшыні райкома прафсаюза работнікаў асветы Лёзненскага р-на. 3 1980 г. на пенсіі. Узнагароджаны ордэнамі Леніна (1960), Славы III ступені, Айчыннай вайны II ступені, медалямі.

БЕКАШОНАК Фёдар Васілевіч. Нарадзіўся ў 1910 г. на станцыі Ляляквінская Руднянскага р-на Смаленскай вобл. 3 сялян. Член КПСС з 1943. Працоўную дзейнасць пачаў з 1928 г. на чыгуначнай станцыі Ляляквінская, у 1932-44 гг. брыгадзір службы пуці, дарожны майстар дыстанцыі пуці станцыі Віцебск. 3 пачатку Вялікай Айчыннай вайны майстар ваенна-аднаўленчага цягніка для аднаўлення прыфрантавых чыгуначных пуцей, мастоў і іншых пабудоў, разбураных гітлераўцамі. У 1946-53 гг. старшы дарожны майстар дыстанцыі пуці станцыі Віцебск, у 1953-72 гг. старшыня калгаса «Бальшавік» Лёзненскага р-на. 3 1972 г. на пенсіі. Узнагароджаны ордэнамі Леніна, Працоўнага Чырвонага Сцяга, двума ордэнамі «Знак Пашаны», медалямі.

БРУЗГУЛ Васіль Іванавіч. Нарадзіўся ў 1894 г. ў в. Стаі Руднянскага р-на Смаленскай вобл. 3 сялян. Член КПСС з 1951 г. У 1919-22 гг. у Чырвонай Арміі, удзельнік грамадзянскай і Вялікай Айчыннай войнаў. 3 1922 г. на Лёзненшчыне, працаваў у сельскай гаспадарцы, у 1933-41 гг. старшыня калгаса «Яўна дзіва» Лёзненскага р-на. 3 1943 г. ў Чырвонай Армй. У 1945- 64 гг. намеснік старшыні, старшыня калгаса «Інтэрнацыянал» Лёзненскага р-на. 3 1964 г. на пеней. Узнагароджаны ордэнам Леніна, медалямі «За баявыя заслугі», «За перамогу над Германіяй» і інш. Памёр 13.2.1980 г.
БЫКОЎСКІ Міхаіл Антонавіч. Нарадзіўся ў 1917 г. ў в. Вялікае Сяло Лёзненскага р-на. 3 сялян. Член КПСС з 1947 г. Скончыў Віцебскі ветэрынарны інстытут (1936). У 1937-41 гг. працаваў ветэрынарным урачом у Краснаярскім краі, на Далёкім Усходзе. Удзельнік Вялікай Айчыннай вайны, начальнік штаба партызанскага атрада № 16 брыгады імя А. Ф. Данукалава. У 1945-46 гг. курсант Маскоўскага навукова-даследчага ветэрынарнага інстытута. У 1946-58 гг. галоўны ветэрынарны ўрач жывёлагадоўчага аддзела райвыканкома, загадчык аддзела сельскай гаспадаркі райвыканкома, старшы ветурач Лёзненскай МТС, загадчык Чарнецкага ветэрынарнага пункта Лёзненскага р-на. У 1958-77 гг. старшыня калгаса імя Леніна ў в. Чарнаручча Лёзненскага р-на. 3 1977 г. на пенсіі. Неаднаразова выбіраўся членам райкома КПБ, дэпутатам раённага і сельскага Саветаў дэпутатаў працоўных. Узнагароджаны ордэнамі Леніна (1971), Кастрычніцкай Рэвалюцыі, Працоўнага Чырвонага Сцяга, Чырвонай Зоркі, Айчыннай вайны II ступені, медалямі, Ганаровай граматай Вярхоўнага Савета БССР і інш.

БЫКОЎСКІ Міхаіл Піменавіч. Нарадзіўся ў 1927 г. ў в. Калышкі Лёзненскага р-на. 3 сялян. Член КПСС. Скончыў 7 класаў Калышкаўскай сярэдняй школы (1941). Удзельнік Вялікай Айчыннай вайны. 3 1945 г. ў калгасе імя Калініна: брыгадзір паляводчай брыгады, з 1960 г. брыгадзір комплекснай брыгады, з 1973 г. начальнік вытворчага участка. Узнагароджаны ордэнам Леніна (1971), медалямі, Ганаровай граматай Вярхоўнага Савета БССР. Памёр 21.3.1990 г.

ВАРКУЛЕВІЧ Вольга Іванаўна. Нарадзілася ў 1917 г. ў в. Куляціна Лёзненскага р-на. 3 сялян. Працавала ў сельскай гаспадарцы: даглядчык жывёлы, звеннявая па вырошчванні лёну. За высокія паказчыкі ў паляводстве ўзнагароджана ордэнам Леніна (1949). 3 1965 г. на пенсіі.

ГАЛАЛОБАЎ Міхаіл Нічыпаравіч. Нарадзіўся ў 1921 г. ў в. Барысавічы Клімавіцкага р-на Магілёўскай вобл. Член КПСС з 1942 г. У 1967 г. скончыў Горацкую сельскагаспадарчую акадэмію. Удзельнік Вялікай Айчыннай вайны. Пасля вайны працаваў старшынёй калгасаў імя С. М. Будзённага, «Зара» Буда-Кашалёўскага р-на Гомельскай вобл., дырэктарам саўгаса «Вішні» Лёзненскага р-на. Выбіраўся дэпутатам Вярхоўнага Савета БССР. Узнагароджаны ордэнамі Леніна (1958), Айчыннай вайны I ступені, медалямі. 3 1974 г. на пенсіі.

ГОЛУБЕЎ Уладзімір Тарасавіч. Нарадзіўся ў 1924 г. ў в. Бабінавічы Лёзненскага р-на. Удзельнік Вялікай Айчыннай вайны. 3 1947 г. працаваў на Бабінавіцкім лесаўчастку, у 1955-84 гг. рабочы, ляснік Бабінавіцкага лясніцтва. Узнагароджаны ордэнам Леніна (1974).

ГУРСКІ Уладзімір Усцінавіч. Нарадзіўся ў 1930 г. ў в. Крынкі Лёзненскага р-на. 3 рабочых. Член КПСС з 1971 г. Скончыў 10 класаў вячэрняй школы рабочай моладзі ў в. Крынкі (1975). У 1973-79 гг. трактарыст, звеннявы па вырошчванні бульбы племзавода «Крынкі»; у 1976 г. атрымаў 256 цэнтнераў бульбы з гектара. Узнагароджаны ордэнам Леніна (1978), Працоўнага Чырвонага Сцяга, медалямі, граматай Вярхоўнага Савета БССР. Памёр 11.11.1979.

ДАНЬКОВА Вольга Карнееўна. Нарадзілася ў 1921 г. ў в. Малькава Лёзненскага р-на. 3 сялян. Працавала ў сельскай гаспадарцы, у паляводстве. У 1952-72 гг. звеннявая па вырошчванні лёну. За высокія паказчыкі ў ільнаводстве ўзнагароджана ордэнам Леніна (1966), медалямі.

ЗАГУРСКАЯ Валянціна Сямёнаўна. Нарадзілася ў 1929 г. ў в. Замошша Лёзненскага р-на. 3 1944 г. працавала ў калгасе імя Леніна Лёзненскага р-на, з 1956 г. звеннявая па вырошчванні лёну, майстар-ільнавод (1969). За высокія паказчыкі ў ільнаводстве ўзнагароджана ордэнамі Леніна, Працоўнага Чырвонага Сцяга, медалямі, граматамі Вярхоўнага Савета БССР. Неаднаразова выбіралася дэпутатам сельскага Савета народных дэпутатаў, членам праўлення калгаса.

ІВАНОВА Аляксандра Цярэнцьеўна. Нарадзілася ў 1906 г. у в. Наполкі Смаленскай вобл. Працавала паляводам у калгасе «1 Мая» Лёзненскага р-на. За высокія паказчыкі па вырошчванні лёну ўзнагароджана ордэнам Леніна (1949), медалём «Ветэран працы» (1975).

КАЧАН Уладзімір Лявонавіч. Нарадзіўся ў 1914 г. ў в. Крыжы Ушацкага р-на Віцебскай вобл. Член КПСС а 1940 г. Скончыў Рэспубліканскую партийную школу пры ЦК КПБ (1948). 3 1932 г. працаваў настаўнікам на Ушаччыне. У 1939-41 гг. курсант стралковага палка і курсант Чырванасцяжнага Ваенна-палітычнага вучылішча імя У. I. Леніна. Вайну сустрэў у Веластоцкай вобласці, быў паранены, у 1941-42 гг. на падпольнай рабоце, потым у партызанах на тэрыторыі Ушацкага р-на: памочнік на чальніка штаба і камісар партызанскай брыгады Лепельскай імя Сталіна, сакратар Лепельскага падпольнага райкома партыі. Пасля вайны на партыйнай і гаспадарчай рабоце ў Лепельскім і Аршанскім раёнах, у 1956-80 гг. першы сакратар Лепельскага РК КПБ, парторг Віцебскага абкома партыі па Лепельскім вытворчым калгасна-саўгасным упраўленні, сакратар парткома Лёзненскага вытворчага калгасна-саўгаснага ўпраўлення. першы сакратар Лёзненскага райкома КПБ. Узнагароджаны ордэнамі Леніна, Кастрычніцкай Рэвалюцыі, Чырвонага Сцяга, Айчыннай вайны I ступені, Працоўнага Чырвонага Сцяга, медалямі. Памёр У. Л. Качан у 1989 г.

КІСЯЛЁЎ Інан Іванавіч. Нарадзіўся ў 1906 г. ў в. Самахвалы Лёзненскага р-на. 3 сялян. Член КПСС з 1930 г. Удзельнік Вялікай Айчыннай вайны. У 1921-28 гг. працаваў у сельскай гаспадарцы, у 1928-31 гг. у Чырвонай Арміі. У 1931-32 гг. інструктар Лёзненскай раённай нарыхтоўчай канторы па лёне. 3 1932 г. ў Чырвонай Арміі, прайшоў шлях ад камандзіра аддзялення асобнага батальона сувязі да начальніка штаба 280-га асобнага батальёна ўрадавай сувязі 1-га Украінскага фронту ў 1944-45 гг. Да 1955 г. знаходзіўся на адказных пасадах у Чырвонай Арміі. У 1956-57 гг. працаваў у г. п. Лёзна дырэктарам электрастанцыі Віцебскага аблэнерга, у 1960-65 гг. загадчык гаспадаркі дарожна-эксплуатацыйнага участка № 107. Узнагароджаны ордэнамі Леніна, Чырвонага Сцяга, Чырвонай Зоркі, Айчыннай вайны І і ІІ ступеняў, медалямі. У 1982 г. яму уручаны знак «50 гадоў знаходжання ў КПСС». Памёр I. I. Кісялёў у 1989 г.

КІСЯЛЕЎ Яўген Вячаслававіч. Нарадзіўся ў 1926 г. ў в. Пархімкавічы Кіраўскага р-на Магілёўскай вобл. Удзельнік Вялікай Айчыннай вайны. Скончыў курсы кінамеханікаў у Мінску (1945). Працаваў у Оршы, з 1953 г. кінамеханік Лёзненскай кінасеткі. Узнагароджаны ордэнамі Леніна (1981), Працоўнага Чырвонага Сцяга, Айчыннай вайны II ступені, медалямі.

КРАУЧЫНСКАЯ Аляксандра Ігнатаўна. Нарадзілася ў 1898 г. ў былым Суражскім р-не Віцебскай вобл, (цяпер Віцебскі р-н). Вучылася ў Смаленскім універсітэце, Віцебскім педагагічным інстытуце. Працавала настаўніцай беларускай і рускай мовы і літаратуры на Віцебшчыне. У Вялікую Айчынную вайну ў 1942-44 гг. працавала ў эвакашпіталі. Пасля вайны на радзіме. У 1944-57 гг. настаўніца рускай мовы і літаратуры Лёзненскай сярэдняй школы, прымала актыўны ўдзел у педагагічнай і грамадскай рабоце, неаднаразова выбіралася дэпутатам раённага Савета дэпутатаў працоўных. Узнагароджана ордэнам Леніна (1954), медалямі. Памерла А. I. Краўчынская 11.3.1987 г.

КУЛАГІНА Майя Парфенаўна. Нарадзілася ў 1926 г. ў в. Затур'я Лёзнінскага р-на. 3 сялян. Скончыла 7 класаў у 1941 г. У Вялікую Айчынную вайну была выселена гітлераўцамі ў Талачынскі р-н, адкуль у маі 1944 г. вывезена ў Германію. 3 1945 г. на радзіме ў Лёзненскім р-не: страхавы агент Унаўскага сельсавета, потым у г. п. Лёзна ў раённым фінансавым аддзеле. 3 1947 г. працавала ў паляводствс ў в. Стасева, была звеннявой па вырошчванні лёну калгаса «Праўда». За высокія паказчыкі ў ільнаводстве узнагароджана ордэнам Леніна.

САМАН Станіслаў Бенядзіктавіч. На радзіўся ў 1909 г. ў в. Бабінавічы Лёзнінскага р-на. 3 1929 г. працаваў рабочым Бабінавіцкага ляснога участка. Удзельнік Вялікай Айчыннай вайны. 3 1958 г. рабочы лясной прамысловасці ў саўгасе імя Заслонава. Узнагароджаны ордэнам Леніна (1954), медалямі. Памёр у 1985 г.

СІНІХІН Аляксей Спірыдонавіч. Нарадзіўся ў 1914 г. ў с. Троіцкі-Урай Рыбна-Слабадскога р-на Татарскай АССР. 3 сялян. Член КПСС з 1940 г. Удзельнік Вялікай Айчыннай вайны. Скончыў курсы павышэння кваліфікацыі аграномаў пры сельскагаспадарчай акадэмй імя Ціміразева ў Маскве (1937), Рэспубліканскую партыйную школу пры ЦК КП(б)Б у Мінску (1950). У 1931-40 гг. працаваў на радзіме настаўнікам пачатковай школы, аграномам. У 1940-41 гг. старшы аграном Беларускай МТС, у 1944-48 гг. намеснік начальніка, начальнік аддзела тэхнічных культур Гомельскага аблвыканкома, намеснік начальніка Упраўлення сельскай гаспадаркі Гомельскага аблвыканкома. У 1951-57 гг. другі сакратар Лепельскага, першы і другі сакратар Лёзненскага райкома КПБ, з 1957 г. дырэктар саўгаса імя Заслонава. У 1969-76 гг. дырэктар птушкафабрыкі імя Заслонава Лёзненскага р-на. Неаднаразова выбіраўся членам райкома КПБ, дэпутатам абласнога і раённага Саветаў дэпутатаў працоўных. Узнагароджаны ордэнамі Леніна (1973), Кастрычніцкай Рэвалюцыі, Чырвонай Зоркі, Айчыннай вайны I ступені, «Знак Пашаны», медалямі, Ганаровай граматай Вярхоўнага Савета БССР.

СІРЫН Сяргей Фёдаравіч. Працаваў да вайны настаўнікам у школах Лёзненскага р-на, у т. л. ў вёсках Зубкі, Стасева і інш. У час вайны знаходзіўся ў эвакуацыі ў Мардовіі. Пасля вызвалення раёна зноў настаўнічаў на Лёзненшчыне. Узнагароджаны ордэнам Леніна за поспехі ў выхаванні падрастаючага пакалення. Памёр 15.5.1975 г.

ЧАРТКОВА Ганна Тарасаўна. Нарадзілася ў 1896 г. ў в. Зубкі Лёзненскага р-на. 3 сялян. Скончыла царкоўнапрыходскую школу, народную школу ў Лёзне, жаночую настаўніцкую семінарыю ў Оршы (1917). Працавала настаўніцай у пачатковай школе ў в. Зубкі, потым у пачатковых класах у Лёзненскай сярэдняй школе. У пачатку Вялікай Айчыннай вайны была эвакуіравана ў Арэнбургскую вобласць, дзе працавала ў дзіцячым доме. 3 1946 г. на радзіме, настаўнічала ў Лёзненскай сярэдняй школе. Т. Г. Чарткова працавала на ніве народнай адукацыі больш за 40 гадоў, была ўдастоена высокага звання «Заслужены настаўнік БССР». Узнагароджана ордэнам Леніна (1949), медалём «За доблесную працу ў Вялікай Айчыннай вайне 1941-1945 гг.». Памерла Г. Т. Чарткова ў 1989 г.

ЧЭПІКАВА Віялета Уладзіміраўна. Нарадзілася ў 1938 г. ў в. Пагосцішча Лёзненскага рна. Скончыла 8 класаў Крынкаўскай СШ, працавала лабарантам, вагаўшчыком. 3 1963 г. даглядчыца жывёлы на ферме ў саўгасе «Выдрэя» Лёзненскага р-на. За высокія паказчыкі ў павелічэнні вытворчасці і нарыхтовак прадуктаў жывёлагадоўлі узнагароджана ордэнамі Леніна (1983), Працоўнага Чырвонага Сцяга, медалямі.


Заслужены заатэхнік БССР

ІЗМАЛКАВА Вольга Іванаўна. Нарадзілася ў 1932 г. Заатэхнік-селекцыянер племзавода «Крынкі». Званне «Заслужены заатэхнік БССР» прысвоена ў 1968г. Узнагароджана 2 медалямі.


Заслужаныя работнікі сельскай гаспадаркі БССР

МАКСІМЕНКА Уладзімір Ягоравіч. Нарадзіўся ў 1926 г. Член КПСС з 1959 г. Працаваў брыгадзірам комплекснай брыгады племзавода «Крынки Званне прысвоена ў 1975 г. Узнагароджаны ордэнамі Працоўнага Чырвонага Сцяга, Айчыннай вайны II ступені, медалямі.

ПАЎЛЮЧКОВА Надзея Васілеўна. Нарадзілася ў 1938 г. ў в. Іванькава Лёзненскага р-на. Член КПСС. Даярка. Званне прысвоена ў 1987 г. Узнагароджана ордэнамі Кастрычніцкай Рэвалюцыі, Працоўнага Чырвонага Сцяга, медалямі. Ганаровай граматай Вярхоўнага Савета БССР.


Заслужаныя ўрачы БССР

КУРЧАУ Мікалай Паўлавіч. Нарадзіўся ў 1926 г. ў в. Смаляны Аршанскага р-на. Член КПСС. Удзельнік Вялікай Айчыннай вайны. У 1952- 86 гг. працаваў у Лёзне галоўным урачом раённай бальніцы, раёна і адначасова хірургам. Званне прысвоена ў 1969 г. Узнагароджаны ордэнамі Чырвонай Зоркі, Працоўнага Чырвонага Сцяга, Айчыннай вайны I ступені, медалямі.

СМІРНЫХ Ніна Лаўрэнцьеўна. Нарадзілася ў 1918 г. ў г. Омск. Член КПСС. У 1941-45 гг. санітарны ўрач вайсковай часці ва Улан-Батары (Манголія). 3 1946 г. працавала акушэрам-гінеколагам у Віцебску, а з 1947 да 1978 г. ў цэнтральнай раённай бальніцы г. п. Лёзна. Званне прысвоена ў 1960 г. Памерла ў 1985 г.


 

   
Обновление . В случае перепечатки материалов сайта ссылка на источник обязательна © "MVA" 2003-2009
  Рейтинг@Mail.ru Рейтинг@Mail.ru      
Hosted by uCoz